Култура
filharmonija

Концерт на Македонската филхармонија

Вечерашниот концерт ќе се одржи под диригентската палка на Борјан Цанев. Како солист ќе се претстави  пијанистот Евгени Божанов од Бугарија, кој ќе ја изведе популарната „Рапсодија во сино“ од Џорџ Гершвин.

Оркестарот на Македонската филхармонија на концертот „Нова година versus Њујорк“ ќе ги изведе и фантастичните „Приказна од Западната страна“ од Леонард Бернштајн, „Смешно лице“ од Гершвин, „Saturday Night Waltz“ од Арон Копланд, „The Entertainer“ од Скот Џоплин, „Medley“ од Дјук Елингтон и „Blue tango“, „Плинк, Планк, Плунк“, „Фидл-Фадл“ и „Мачка што игра валцер“ од Лирој Андерсон.

Бугарскиот пијанист Евгени Божанов (1984) почнал да учи пијано на шестгодишна возраст, а јавното деби го направил во својот роден град Русе на 12 години, свирејќи концерт од Моцарт. Помеѓу 1996 и 2010 година, кога кариерата на Божанов е веќе во постојан растеж, тој заминува на студии во Германија, каде што на конзерваториумот Фолкванг во Есен студира со Борис Блох. Во сезоната 2011/2012, Божанов дебитираше и во Берлинската филхармонија, во „Музиквереин“ во Виена, во „Ројал фестивал хол“ во Лондон, во „Сантори хол“ во Токио, но и во Стокхолм, Санкт Петербург, Милано, Минхен… Постојано добива извонредни критики од публиката, како и од стручната јавност, во контекст на тоа дека тој е од иста планета како и Липати, Хоровиц и Микеланџели, или дека тој може да произведе повеќе нијанси на тонот од кој било друг пијанист, дека неговиот тон има личен печат, или пак, дека Божанов создава уметност на импровизација и спонтаност, а во истовреме уметност на интелигенција и експресивност.

Слични статии

Напишете коментар

Вашата е-пошта адреса нема да биде прикажана во коментарите. Задолжителните полиња се означени со *