Филмскиот Фестивал во Сараево стартува со „Таксист“
— 10 август, 2016Сараевскиот филмски фестивал, кој стартува на 12 август, ќе го отвори еден од најголемите актери на филмот денес, Роберт де Ниро со филмот „Таксист“ кој годинава слави 40 години од неговото создавање. На отворањето на славниот актер ќе му биде врачена наградата „Срце на Сараево“, што Фестивалот за прв пат ја доделува за животно дело.
Директорот на Сараевскиот фестивал, Мирсад Пуриватра, рече дека десет години работеле да го донесат Роберт де Ниро на Филмскиот фестивал во Сараево. „Голема е честа што Роберт де Ниро ќе биде првиот добитник на ’Срцето на Сараево‘ за животно дело. Уште од нашата прва средба на фестивалот ’Трибека‘ во Њујорк почнавме да работиме на тоа, Де Ниро еден ден да биде наш гостин на Сараевскиот фестивал. Тој ден дојде и многу сме возбудени поради тоа. Како филмски професионалец и како голем вљубеник во филмот, верувам дека ова го зборувам, не само во свое име, туку и во име на публиката во Сараево и во име на моите колеги“, вели Мирсад Муриватра.
Роберт де Ниро бил седум пати номиниран за „Оскар“, а го добил два пати, за споредна улога во „Кум 2“ на Френсис Форд Копола и за главна улога во „Разјарениот бик“ на Мартин Скорсезе. Но, правецот на неговата иднина веќе бил познат по неговото деби на 10 години, играјќи го Плашливиот лав во училишната претстава Волшебникот од Оз. Биографијата бележи дека Де Ниро со глумата се ослободувал од трема, па тој решава да го напушти средното училиште на 16 годишна возраст за да започне со глума. Студирал глума на Стела Адлер Конзерватори како и на Ли Стразбергс Акторс Студио.
Првата филмска улога на Де Ниро во соработка со Брајан де Палма била во 1963 година на 20 годишна возраст. Во 1973 година ја започнал продуктивната соработка со Скорсезе кога играл улога за паметење во „Злобни Улици“. Во 1974 година, Де Ниро го игра младиот Вито Корлеоне во „Кум 2“. Во 1967 го снима „Таксист“ филм кој е од особено значење за кариерата на Де Ниро- неговата неверојатна изведба какоТревис Бикл, го одведе до слава и засекогаш го поврза името на Де Ниро со познатиот монолог на Бикл: „Мене ми зборуваш?“ , (“Are you talking to me”) кој во голем дел Де Ниро го импровизираше. Во 1978 година Де Ниро го играше Мајкл Вронски во добро прифатениот филм за војната во Виетнам, „Ловец на Елени“, за кој беше именуван за Најдобар актер во главна улога. Но, Де Ниро нема добиено „Оскар“ ниту за „Таксист“, ниту за „Ловец на елени“, иако по овие улоги ќе остане препознатлив. За „Златен глобус“ бил номиниран осум пати, а го доби само за „Разјарениот бик“. Роберт де Ниро во неговата плодна актерска кариера од 50 години добил исто толку награди, а бил номиниран 80 пати. Бројката на остварени улоги е многу голема, тој зад себе има остварено незаборавни улоги на ганстери, семејни луѓе, улоги во комедии, музичари, спортисти, … во сите улоги е подеднакво успешен, носејќи ги ликовите на негов својствен начин и препознатлив по неговиот шарм. Листата на филмови е многу голема. Така во „Добри момчиња“ оствари извонредна улога но не доби ниту номинација, безбол играч беше во „Полека удирај го тапанот“, „Злобни улици“ филм на Скорсезе, „Кум2“ филм на Френсис Форд Копола, „Њујорк, Њујорк“, во кој играше музичар кој свири на саксафон, потоа, „Разбеснетиот бик“,„Мисија“, „Ангелско срце“,„Да се биде вљубен“, каде глуми со Мерил Стрип, „Недопирливи“, улогата на Мајкл Вронски во добро прифатениот филм „Ловец на Елени“, за кој беше именуван за Најдобар актер во главна улога.
Де Ниро има добиено два Оскари за најдобар актер за улогата во „Разбеснетиот Бик“ и за најдобар спореден актер во „Кум 2“. Де Ниро и Марлон Брандо се единствените актери кои добиле Оскар за ист лик.
Во главната програма, на Сараевскиот филмски Фестивал годинава ќе се натпреваруваат осум филма за главната награда „Срцето на Сараево“ а селектирани се вкупно 11 филма во оваа програма. Тука се филмовите „Игла под прагот“ и „Пристојна жена“ кои ќе ја доживеат светската премиера, потоа пет филмови кои ќе ја имаат својата регионална премиера: филмот „Албум“ , работен во копродукција со Турција, Франција и Романија во режија на Мehmet Can Mertoglu, Филмот „Кучиња“, заеднички филмна Романија, Франција, Бугарија и Катар во режија на Богдан Мирица, „Безбожничка“ е филм на Бугарија, Франција, Данска во режија на Ралица Петрова, потоа филмот „Влажност“ во режија на Никола Љуца, заеднички филм на Србија, Холандија и Грција „Осакатени срца“(Scarred hearts) романско-германски филм во режија на Radu Jude. Во Сараево годинава ќе пристигне еден од најпровокативните британски режисери, Стивен Фрирс, кој ќе ја добие наградата „Срце на Сараево“ за исклучителен придонес во филмската уметност. Ќе биде прикажан неговиот нов филм за оперската пејачка „Флоренс Фостер Џенкинс“, која ја игра Мерил Стрип. Овој режисер го паметиме со „Мојата прекрасна пералница“ со една од животните улоги на Дениел Деј Луис, „Опасни врски“ со Глен Клоуз, Џон Малкович и Мишел Фајфер, Хај фиделити“, „Кралицата“, кој и донесе „Оскар“ на Хелен Мирен, „Валкани прекрасни нешта“, „Филомена“.
Во програмата „Посветено“ годинава ќе гостува мексиканскиот режисер и сценарист Амат Ескаланте, самоук автор, кој направи одлични три филма: „Сангре“, „Лос Бастардос“ и „Хели“. Тој ќе ја прими наградата „Срцето на Сараево“, а воедно и ќе ја отвори програмата на Талент кампусот.
Автор:
Слични статии
-
-
МУЛТИЗНАЧНОСТА НА СЛОВЕНЕЧКИОТ ТЕАТАР
10 април, 2023 -
-
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
