Одлична сезона за Македонската Филхармонија
— 25 декември, 2017Со селењето во новата зграда на Македонската Филхармонија, сите концерти беа исполнети до последното место во публиката и се бараше билет повеќе. Така беше и за концертот посветен на Шпато во четвртокот, кога билетите беа распродадени неколку дена порано, и исто така беше и за Новогодишниот концерт за деца.
Македонската Филхармонија ќе го одржи празничниот предновогодишен концерт в четврток, (28 декември) под диригентската палка на Јерухам Шаровски, а како солисти ќе настапат сопранистката Милена Арсовска и бас-баритонот Иван Наумовски. На програмата се дела од Пјацола, Монкајо, Маркез, Пучини, Гуно, Штраус, Лехар…
Можноста да се одржи уште еден концерт пропадна, бидејќи ниту една фирма не покажала интерес да го откупи овој концерт и музичаите да земат соодветен хонорар. Поради тоа ќе има само еден концерт, бидејќи Македонската филхармонија не добила таква понуда.
Македонската филхармонија нема да го изведува ниту Божиќниот концерт, што беше практика од изминативе неколку години, којашто не бил прифатена од музичаите.
Најголем дел музичари од оркестарот се православни, сите сакаат за Божиќ да бидат дома, а не на работа. Затоа од оваа година нема да има божиќен концерт, туку новогодишен, практика што одлично функционира во изминативе децении.
Роден во Буенос Аирес, маестро Јерухам Шаровски рано започнува да изучува музика, а потоа студира флејта, контрабас, композиција и диригирање на Националниот конзерваториум за музика во неговиот роден град. Во раните 1970-ти имигрира во Израел, каде што дипломира на академијата за музика „Рубин“ во Ерусалим, под палката на проф. Менди Родан. Во 1990 година, Шаровски ќе биде избран од славниот маестро Зубин Мехта да ја прими наградата „Млад артист на годината“, кога ќе ја добие и привилегијата да диригира со Израелската филхармонија. За време на својата кариера, маестро Шаровски диригирал со над 50 оркестри во повеќе од 20 различни земји, вклучувајќи ги и серијата концерти со маестро Лорин Мазел, диригирајќи со Минхенската филхармонија во Германија и со Симфонискиот оркестар на Ерусалим, заедно со Баварскиот радиооркестар, на концерти посветени на градот Ерусалим. Маестро Мазел ќе го предложи маестро Шаровски да биде и дел од жирито на интернационалниот натпревар за диригенти „Мазел“ (2002). Широк е неговиот репертоар и во однос на оперските изведби, а во последните години тој гради навистина успешна кариера на полето на едукацијата, одржувајќи мастер-часови на значајни универзитети во светот.
Сопранистка Милена Арсовска е една од најистакнатите македонски вокални уметници од поновата генерација, со успешна меѓународна кариера. Дипломира соло-пеење на Факултетот за музичка уметност во Скопје, а магистрира на Универзитетот за музика и уметности во Виена. За време на студиите, Арсовска се усовршува и посетува мастер-часови кај познатите Клаудија Виска, Дорин Дефеис, Џејмс Хупер и Јоан Холендер. На сцената на МОБ пеела во продукциите на оперите „Волшебната флејта“, „Свртување на шрафот“, „Италијанка во Алжир“, „Рита“… Виенското деби, пак, во Театарот во Виена доаѓа во 2010 година, со настап во оперетата „Лилјакот“, а понатаму настапува во театрите во Магдебург и во Прага, како и на повеќе фестивали. Во моментов е дел од продукцијата „Свадбата на Фигаро“ во престижната опера во Вајмар.
Bас-баритонот Иван Наумовски дипломира на Факултетот за музичка уметност во Скопје, а студиите ги продолжува на Универзитетот во Грац, Австрија, во класата на проф. д-р Том Сол. Во 2014 година, Наумовски дебитира на оперската сцена во Грац, со улогата на Викомте Каскада во оперетата „Веселата вдовица“, поставена од реномираниот режисер Оливие Тамбози. Во 2016 година дебитира во Македонската опера и балет, на отворањето на „Мајски оперски вечери“, со главната улога во операта „Евгениј Онегин“.
Автор:
Слични статии
-
-
„Мастерклас со Лајовиц“ вечер во Македонска филхармонија
5 ноември, 2021 -
Концерт на Македонска филхармонија „Бетовен: Редефиниција“
25 февруари, 2021 -
Концерт на Македонска филхармонија со дела од Манчев и врвни класици
9 декември, 2020
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
