Култура

Пожарот во Нотр Дам изгаснат, Владата донесе одлука да помогне во обновувањето на катедралата стара 850 години

Пожарот во катедралата Нотр Дам е ставен под контрола во 3 часот утрово, по осумчасовната огнена стихија, соопшти противпожарна служба на Париз. Пожарот се разгорел во вечерните часови и брзо се проширил при што за осум часа, колку што траеја напорите на пожарникарите да го изгаснат, изгоре главната кула, Огнот, кој се случи во раните вечерни часови, брзо се распламти, изгоре главната кула а потоа и целиот покрив. 

Владата го задолжи Министерството за надворешни работи на нашата земја да стапи во контакт со француското МНР за координација во врска со помошта на меѓународната заедница за реставрација на опожарената црква Нотр Дам, соопшти владината прес-служба по денешната 130. седница.

Ова се прави со цел да се определи најсоодветна поддршка од Република Северна Македонија во знак на солидарност за обновата на овој грандиозен споменик од цивилизациско значење, додаваат од Владата.  Катастрофалниот пожар што избувна вчера во катедралата Нотр Дам во Париз околу 18.50 часот целосно го уништи средновековниот покрив и урна една од препознатливите кули, но катедралата стара 850 години беше спасена од целосно уништување по неколкучасовните напори на пожарникарите. Тие, исто така, успеаја да спасат непроценливи реликвии и уметнички дела од внатрешноста на катедралата, кои привремено ќе бидат сместени во музејот Лувр.

 Обвинителството отвори истрага за пожарот, но полицијата кажа дека тој најверојатно почнал случајно во поткровјето и го поврза со скапиот процес на реновирање на катедралата.

Автор:

Слични статии

Напишете коментар

Вашата е-пошта адреса нема да биде прикажана во коментарите. Задолжителните полиња се означени со *