Култура

Почина Питер Фонда

Питер Фонда, познатиот американски глумец и режисер, почина во 79. година од животот од рак на белите дробови. Питер Фонда никогаш не ја достигна славата на неговиот татко Хенри и сестрата Џејн, но ќе остане запаметен по улогата во легендарниот филм „Голи во седло“ (Easy rider). Филмот од 1969 година го направи Фонда идол на хипи-движењето и херој на новиот Холивуд. Со екипа која ја сочинуваа и Денис Хопер и Џек Николсон, филмот уриваше рекорди во кино-салите.

Фонда имаше номинација за Оскар за најдобро сценарио за „Голи в седло“, а во 1997 имаше и номинација за Оскар за најдобар актер и доби Златен глобус за улогата во „Златото на Ули“. Беше добро позната фигура на контракултурното движење од 60-тите од минатиот век. Заработи номинација за Оскар за најдобро оригинално сценарио за „Изи Рајдер“, каде глуми со Денис Хопер.

Во 1998 година ја напиша автобиографската книга „Не му кажувај на тато“, а во 2011 година заедно со глумецот Тим Робинс беа продуценти на документарецот „The Big Fix“ во кој ја испитуваа улогата на Бритиш Петролеум во излевањето нафта во Мексиканскиот залив. Зад себе остави стотици други филмски остварувања. Неговиот последен филм- критика на политиката на американскиот претседател Доналд Трамп кон бегалците – треба да биде прикажан во текот на годинава.

Слични статии