Пет романи во третиот круг на „Роман на годината“ за 2016 година
— 8 март, 2017Пет романи, од вкупно 28 кои конкурираа за „Роман на годината“ за 2016 година на „Утрински весник “, селектираше завчеравечер годинешната жири-комисија со што тие го продолжија годинешниот натпревар за престижната награда за литература напишана на македонски јазик. Селектирани се: „Но-Уи “, на Лидија Димковска, во издание на „Или-или“; „Америка, Америка“, на Божин Павловски, во издание на „Матица македонска“; „Првиот универзитетски ден на мојата ќерка“, на Игор Станојоски, во издание на „Или-или“; „Јас и Лин, отпосле“, на Ана Стојаноска, во издание на Културната установа „Блесок“ и романот „Собирачи на пепел“, на Давор Стојановски, во издание на „Или-или“.
Жири-комисијата во состав: Петар Андоновски (претседател) и членовите: Маја Бојаџиевска, професорка на Катедрата за општа и компаративна книжевност на Филолошкиот факултет при Универзитетот „Кирил и Методиј“ , Нове Цветаноски, публицист, литературен критичар и издавач, писателката Гордана Михаилова- Бошнаковска и Катерина Богоева, уредничка на Културната редакција на „Утрински весник“ по извршената селекција на пристигнатите дела, од кои во деновите што следат најнапред ќе бидат избрани финалистите, а на 15 март јавно ќе биде соопштен и добитникот на наградата за 2016 година, посочи на одредени важни моменти кои говорат за самите романи што влегоа во третиот круг, но и за одредени кои отпаднаа во претходната фаза на селекција.
„Божин Павловски нуди веќе познати теми со својот роман ‘Америка Америка‘“, смета Петар Андоновски, Катерина Богоева пак потенцираше дека на овој роман на Павловски може да се гледа како на едно од неговите најдобри, во последно време напишани дела, мислење кое го подели и Нове Цветановски.
„Најважното во романот на Божин Павловски е што има некоја сокриена метафорика. Зошто Нова Европа во Америка? Тоа е елемент кој апсолутно те обзема за некои ситуации што се случуваат и денес“ посочи меѓу другото Гордана Михаилова-Бошнаковска.
Катерина Богоева укажа дека Ана Стојановска претставува вистинско изненадување на конкурсот со својот роман „Јас и Лин отпосле“, но и дека младиот автор Давор Стојановски со својот веќе втор роман се потврдува на писателската сцена по дебитантскиот роман „Ненасловена месечева соната“ со кој беше и во потесниот круг за наградата „Роман на годината“ за 2013 година. Како добар роман беше посочен и „Првиот универзитетски ден на мојата ќерка“, на Игор Станојоски, а по неговиот прв „Гаргара“ со кој овој автор исто така влезе во финале за „Роман на годината“, но за 2014 година.
„Игор Стојановски се подредува на приказната, а тоа е една шема кај комерцијалните романи, но добро ја изведува, вешт е“, забележа Нове Цветановски напоменувајќи дека пријатно го изненадиле и два романи кои и не влегоа во вториот круг, од автори чии имиња се вртат во книжевните кругови „Последниот монах“ на Добре Тодоровски и „Калина“ на Петре Наковски.
Романот „Рапави стихови“ на Милован Стефановски, кој не влезе во избраните пет романи, Гордана Михаилова-Бошнаковска го окарактеризира како добро напишан, но потенцираше и дека „кога се зборува за романите треба да се гледа и на тоа колку време тие ќе го преживеат и сопственото живеење“.
„Стефановски е доста крут во раскажувањето, во стилот, многу покрут од младите автори на пример. Давор Стојановски е многу рационален во раскажувањето, но сепак ќе те одржи да го читаш до крај“, забележа меѓу другото Нове Цветановски, кој за романот на Ана Стојаноска напомена дека има многу добар лирски стил.
„Како тренд победуваат млади автори, страсни, кои обработуваат современи теми што мислам дека е добро и за имиџот на наградата ‘Роман на годината’. Мене ми се чини дека таа ги поддржува оние што допрва доаѓаат и кои веруваме имаат книжевна иднина“, рече меѓу другото Маја Бојаџиевска.
„За мене и помалку традиционалните дела значат многу затоа што ќе дојде време на заситеност од новиот свет, од новите сознанија и од новите комуникации, сметам дека сепак авторите ќе се вратат на она што е нивно“, рече меѓу другото Гордана Михаилова-Бошнаковска.
Автор:
Слични статии
-
-
Конкурс за идејно-графичко решение за јубилејот „50 години МКЦ“
9 јануари, 2022 -
-
Cinedays конкурс: 72 часа еко филм
8 јуни, 2021
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
