Спор за слика на Писаро продолжува по 16 години
— 9 август, 2017Сојузниот апелациски суд во Сан Франциско ја оживеа парницата стара 16 години, во врска со враќање на една слика на Камиј Писаро, која нацистите ја стекнале незаконски, а која сега виси во музејот „Тисен-Борнемиса“ во Мадрид.
Оригиналната сопственичка на сликата наречена „Улицата Сен Оноре попладне, по дождот“ на Камиј Писаро, од 1897 година, е германската Еврејка Лили Касирер. Таа ѝ го продала делото на германската влада во 1939 година за приближно 360 долари, во замена за излезна виза за себе и за сопругот.
Тврдејќи дека станува збор за принудна продажба, нејзините наследници во 2001 година побараа од музејот „Тисен-Борнемиса“ делото да им биде вратено. Барањето било отфрлено, па внукот и правнуците на Лили Касирер го тужеле шпанскиот музеј во 2005 година.
Во јуни 2015 година Основниот суд ја отфрлил тужбата и пресудил дека, според шпанските закони, музејот е сопственик на сликата. Меѓутоа, Деветтиот окружен апелациски суд во Сан Франциско вчера одлучил дека, иако во случајот се применува шпанскиот закон, неопходно е да се одржи судење.
Баронот ја купил сликата во 1976 година од њујоршката галерија „Стивен Хан“ за својата колекција вредна 338 милиони долари, која во тоа време била втора најголема приватна колекција, по Кралската збирка во Лондон. Ја однел во Швајцарија, каде што останала до 1992 година.
За разлика од американските закони, швајцарските велат дека сопствеништвото на украдено дело е дозволено ако купувачот имал добра намера и не знаел дека делото е украдено. Меѓутоа, Апелацискиот суд забележал дека трансакцијата со добра намера немало да се случи доколку купувачот ги истражел околностите, што, со оглед на ситуацијата и времето, било неопходно.
Наследниците на Касирер тврдат дека имало причини за да се сомнева во потеклото на делото. Еден од примерите е тоа што баронот платил за сликата 275.000 долари, што, според стручњаците, е околу половина од очекуваната цена за тоа време.
– Заклучивме дека прашањето за бароновата добра волја е факт што би требало да се провери на суд, бидејќи шпанскиот музеј не докажал по законски пат дека немал сознанија дека сликата на Писаро е украдена – пишува во извештајот американскиот Апелациски суд.
Се проценува дека делото денес вреди меѓу 30 и 40 милиони долари.
Адвокатот на музејот вели дека е сигурен оти уште еднаш ќе се докаже нивното сопствеништво на сликата. Всушност ниедна страна не оспорува дека делото преминало во рацете на нацистите со принудна продажба или дека е продадено под сомнителни околности за нереално ниска цена. Но шпанскиот музеј тврди дека нема никаква врска со тоа, односно дека, според швајцарските и според шпанските закони, сликата им припаѓа ним.
– Ова не е случај во кој страните спорат дали делото е украдено или не – вели Николас О’Донел, адвокат и стручњак заслучаи на уметнички дела украдени од нацистите.
Автор:
Слични статии
-
-
Сликата на Доријан Греј е приказна за судбоносниот портрет
23 април, 2017 -
Полска ја откупи колекцијата „Чарториски“ за 100 милиони евра
5 јануари, 2017 -
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
