Култура

Фондацијата „Славко Јаневски“ распиша конкурс за избор на роман на годината

Фондацијата за унапредување и промоција на културата „Славко Јавенски“ распишa конкурс за доделување на наградата Роман на годината за 2017 година.

1. Фондацијата „Славко Јаневски“ доделува единствена годишна награда „Роман на годината“, за која можат да конкурираат сите романи објавени во текот на 2017 година.

2. Наградата „Роман на годината“ ја доделува Фондацијата „Славко Јаневски“ на предлог на петчлено жири, составено од реномирани книжевни дејци и еден претставник од Фондацијата.

3. Романите што влегуваат во конкуренција можат да ги предлагаат самите автори, нивните издавачи или читателите.

4. Предлагачите се должни најдоцна до 15 јануари 2018 година да достават до Фондацијата по 5 (пет) примероци од предложените книги, кои не се враќаат. (Пожелно е и доставување на романот во електронска верзија на адресата [email protected])

5. Фондацијата „Славко Јаневски“ е должна да го соопшти добитникот на наградата „Роман на годината“ најдоцна до 15 март 2018 година.

6. Наградата „Роман на годината“ на Фондацијата „Славко Јаневски“ мора да биде доделена.

7. Наградата „Роман на годината“ се состои од плакета и паричен износ од 150.000 денари.

Книгите се доставуваат на адреса Читална „Славко Јаневски“, ул. Димитрија Чуповски бр.21, 1000 Скопје

Конкурсот е активен од петок, 15 декември, па се до 15 јануари 2018 година

Автор:

Слични статии