„Филмски великани“ – нова книга на Сунчица Уневска
— 28 декември, 2020На крајот на оваа година од печат излезе уште една нова книга со наслов „Филмски великани“. Станува збор за третата по ред книга на новинарката и филмска критичарка, Сунчица Уневска, во која таа направила избор и донесува интервјуа со 56 култни филмски автори и актери од целиот свет. Ова е книга посветена на филмот, но и ретка и сигурно единствена книга од областа на филмот кај нас, во која се поместени ексклузивните разговори со некои од најзначајните филмски автори на денешнината, кои оставија силен печат во светската кинематографија во 20-иот и на почетокот на 21 век.
Интервјуата се работени во текот на изминатите 25 години ширум светот и интересно е дека со некои од овие уникатни автори, тоа се воопшто нивни последни интервјуа што ги направиле пред да починат. Уневска најголем дел од овие интервјуа ги има направено на филмските фестивали низ светот, каде што беше присутна како новинарка, како филмска критичарка, а често и како член на жирија преку Светската федерација на филмски критичари, „Фипресци“, во која таа членува веќе 20 години. Но, еден дел од интервјуата се работени и во Македонија, а секако во книгата има и избор од неколку македонски автори и актери.
Доволно е да ги споменеме: авторот на новиот германски филм, Вим Вендерс, легендите на иранскиот филм, Абас Киаростами, Мохсен Макмалбаф, Џафар Панахи, култниот американски режисер, Абел Ферара, уникатниот Ерменец, Атом Егојан, најоригиналниот израелски автор, Амос Гитаи, особената, најеминентна полска режисерка, Агњешка Холанд, назјначајниот палестински автор, Елија Сулејман, ветеранот на романскиот филм, Лучијан Пинтилие, најконтроверзната појава на крајот на 20 век, британскиот филмаџија, Питер Гринавеј, култниот француски режисер, Клод Лелуш, турскиот филмски поет, Нури Билге Џејлан и уште многу други великани кои оставија и оставаат неизбришлива трага во времето, која секогаш одново го преиспитува значењето и суштината на филмските слики.
Но, Уневска не го заборави ниту овој регион кој имаше и има исклучително квалитетни автори што направија легендарни филмови и во времето на Југославија, а и денес. Во книгата е поместено последното интервју со особениот црногорски автор, Живко Николиќ, потоа разговорите со припадниците на Прашката школа, Срѓан Карановиќ и Рајко Грлиќ, но и македонските автори и актери, како: Милчо Манчевски, Иво Трајков, Дарко Митревски, Антонио Митриќески, Синоличка Трпкова, но и помладата, но извонредна сценаристка и режисерка, Елеонора Венинова, од која веќе има многу што да се научи.
„Да се направи интервју не е, воопшто, едноставно како што изгледа. Или подобро, да речам, дека зависи што очекувате и зошто го правите интервјуто. Да се направи интервју со автори кои имаат и умеат да го доловат својот посебен свет со кој е проникнато нивното битие, не е лесно. За мене интервјуто е влегување и осознавање на нивниот свет со целата специфика што ја носи, со целата филозофија на живеењето, со откривањето на посебностите на потеклото, на идеите, на поминувањето на границите, на пристапот што ги прави поинакви, но и универзални. Соговорниците се различни, некои умеат тоа да го кажат, некои умеат само да го насликаат. Мојата цел беше да одберам и понудам интервјуа кои ќе можат во секое време да се прочитаат, кои имаат во себе таква содржина и посебност, која е интригантна, која вознемирува, која тера на размислување, на трагање, на спознавање“, истакнува Уневска во својот вовед во книгата.
Книгата „Филмски великани“ е во издание на „Аквариус“, лектурата е на Теодора Циклевска, уредник е Ненад Гвозденовиќ, а отпечатена е во печатницата „Контура“ од Скопје. „Филмски великани“ е поддржана од Министерството за култура, но нејзината промоција засега е одложена поради целата состојба, а за тоа каде ќе може да се најде ќе се знае во најкратко време.
Автор:
Слични статии
-
-
ГОЛЕМИТЕ ИСТОРИИ НА МАЛИТЕ ЛУЃЕ
25 јуни, 2022 -
ДУХОВИТО И БЕСКОМПРОМИСНО ЗА ЉУБОВТА
3 јануари, 2022 -
Меѓу личното и универзалното
4 ноември, 2021
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
