Култура

Награда за најдобар роман на Сашо Огненовски во Хрватска

На триесетгодишнината на Хрватското книжевно друштво во Риека, наградата за најдобар роман, надвор од хрватското говорно подрачје, годинава му припадна на македонскиот писател и преведувач, Сашо Огненовски. На традиционалното доделување на книжевните награди, наградата му беше доделена за неговиот роман „Турнеја“ во издание на Бегемот од Скопје, од страна на претседателот на Хрватското книжевно друштво Валерио Орлиќ, во салата на Советот на градот Ријека. Книжевниот портрет на Сашо Огненовски, беше одржан во просториите на Македонското Културно Друштво „Илинден“ каде што беа претставени неговите книги заедно со наградениот роман „Турнеја“ како и  книжевното списание „Книжевни елементи“ чиј последен број беше посветен токму на хрватската книжевност. Книгите ги претставија писателите Валерио Орлиќ и Срѓан Духовиќ, и во истата вечер на Сашо Огненовски му беше доделена и наградата за особени заслуги во областа на книжевноста. 

 

Слични статии