Култура

Откриена Библија од 11. век

Во Турција, полицијата запленила Библија, напишана на кожа од газела, кога осомничените сакале да ја продадат. Библијата е оштетена и само 20 страници се во добра состојба. Античкиот примерок на Библијата е запленета во градот Аксарај, град во централна Анатолија, во моментот кога двајца осомничени сакале да ја продадат. Се уште не е јасно како осомничените дошле до Библијата, но нив полицијата ги уапсила, откако примила информација, во моментот кога требале да се најдат со потенцијалните купувачи. 
Библијата сега се наоѓа во локалниот музеј каде се проучува нејзината автентичност, којашто содржи текст и цртежи на Исус Христос и крстови.  Инаку, градот Аксарај бил важен град во античката Кападокија, каде се населувале христијани, особено после иконокластичниот период. Таа заедница напредувала и после исламскиот продор во 11. век. 

 

 

Автор: