Почина Џорџ Мајкл
— 26 декември, 2016Пејачот Џорџ Мајкл починал на 53 годишна возраст, објави неговиот издавач. Светската музичка ѕвезда Џорџ Мајкл којшто својата кариера ја започна во 80-тите во британското дуо Wham (ВЕМ), за потоа да продолжи соло и така да го достигне својот најголем успех, „замина мирно во својот дом“, пренесува ББС.
„Семејството моли да се почитува неговата приватност во овој тежок и емотивен период“, објави издавачот и најави дека засега нема да има дополнителни коментари.
Џорџ Мајкл Мајкл, кој беше роден како Јорго Киријакос Панајоти во северен Лондон, беше пејач, текстописец и музички продуцент. Неговите албуми се продадени во над 100 милиони копии, а неговиот деби албум Faith (Верба) од 1987 година се продаде во 20 милиони копиии ширум светот. Првиот сингл од овој албум, I want your sex, беше забранет за емитување на многу радиостаници во Велика Британија и светот поради своите сексулани сугестивни стихови, како што ќе се изрази ББС во тоа време која меѓу првите го забранува овој сингл.
Својата сексуалност на свои 19 години Џорџ Мајкл најпрво му ја открива на својот најдобар пријател Ендрју Ридгелеј со кого го формираат ВЕМ. Тогаш Мајкл му се доверува дека е бисексуалец. Подоцна во интервјуа тој ќе зборува дека многу често спиел со жени, но никогаш не почуствувал дека може да развие врска со нив, затоа што „потсвесно знаел дека е геј маж“. Џорџ Мајк имаше и политички ангажирана музика. За време на владеењето на Маргарет Тачер, тој јавно се декларираше како лабурист. Песната Shoot the dog (Убиј го кучето) беше критична кон вклученоста на САД и Велика Британија во војната во Ирак. Bеше активист за човекови права, еднаквост, борбата против сиромаштија.
Џорџ во 2008 година најави дека се повлекува од настапите во живо и дека бара “мирен живот” надвор од очите на јавноста. Со групата „Вем!“ имаа многу хитови, но одлучија да ја прекинат соработката по синглот ” The Edge Of Heaven”, која беше на врвот на сите светски топ листи во 1986 година. Џорџ започна успешна соло кариера, а повремено работеше со Арета Френклин, Елтон Џон и групата „Квин“, по смртта на Фреди Меркјури. Но, следеа маратонски судски спорови во кои се обидуваше да се ослободи од договорот со компанијата „Сони“, поради што не можеше да објавува нови албуми.
Додека кариерата му доживуваше криза, во 1998 година беше фатен во “несоодветен чин” во јавен тоалет во Беверли Хилс и поради тоа беше и уапсен. Инцидентот го принуди јавно да ја признае својата сексуална ориентација и врската со Американецот Кени Гос. Подоцна, изјави дека во дваесеттите години од животот бил во депресија поради загубата на партнерот Анселм Фелеп, кој почина од СИДА.
“Првата врска ја имав на 27 години, затоа што не можев да се помирам со својата сексуалност до 24. Го изгубив мојот партнер од СИДА и ми требаа околу три години да го прежалам, а веднаш потоа ја изгубив мајка ми. Се чувствував како да сум проколнат”, призна Џорџ во едно интервју.
Сепак, со време се прифати себеси и дури и направи пародија на сметка на апсењето, снимајќи спот за песната “Outside”. Иако песната беше популарна, повеќе не можеше да остане на врвот. Не му помогна ни тоа што жестоко го критикуваше односот меѓу Тони Блер и Џорџ Буш во песната “Shoot the dog” во 2002 година, што предизвика бес кај американските медиуми. Нови и посериозни проблеми со законот имаше во 2006 година, кога беше пронајден во несвест зад воланот на својот автомобил. Во мај беше обвинет за возење под дејство на дрога и возачката дозвола му беше одземена неколку години.
Од 2008 година, најави повлекување од јавниот живот, но повторно беше уапсен за “поседување на наркотици од прва класа”, меѓу другото, крек. Во септември 2010 година беше осуден на осум недели затвор бидејќи една година претходно со својот Рејнџ ровер влета во продавница во Лондон.
Во обид да ја обнови својата музичка кариера, изведе песна од новиот албум на затворањето на Олимписките игри во Лондон во 2012. Сепак, лошата здравствена состојба му ги попречи сите планови. Скоро почина од пневмонија од која никогаш во целост не се опорави и која му создаде анксиозност, поради што ја откажа планираната турнеја во Австралија.
Џорџ е до крајот веруваше во подобро утре. Снимил документарец за својот живот насловен “Слобода” (Freedom), кој би требало да биде премиерно прикажан во март следната година. Почина мирно во својот дом за време на Божиќните празници. Од него се простија бројни пријатели и колеги. Во 2007 година својот концерт во Софија им го посвети на медицинските сестри кои беа осудени на смрт во Либија поради наводно намерно заразување на деца со ХИВ. Majјк беше активен во собирањето средства за сиромашни и болни деца и собра десетици милиони долари за овие цели.
Во последните години тој неколку пати се бореше со влошено здравје, меѓу кои и тешка пневмонија во 2011 од којашто едвај се извлече, за во мај 2013, само 18 месеци подоцна повторно беше пренесен во болница, овој пат за повреда на главата, бидејќи во тек на возење по автопат испаднал од автомобилот и се здобил со сериозна повреда на главата.
Причините за смртта се уште не се објавени.
Автор:
Слични статии
-
-
Почина познатиот хрватски писател Игор Мандиќ
14 март, 2022 -
ПОЧИНА ПИСАТЕЛОТ АКАДЕМИК ЛУАН СТАРОВА
25 февруари, 2022 -
Почина академик Радован Павловски, еден од најбрилијантните поети
23 февруари, 2022
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
