Филмот „Втор пат“ вечерва на КРИК – фестивал за критичка култура
— 21 јуни, 2019Фестивалот за критичка култура, КРИК , продолжува вечерва, 21 јуни, во 19,30 часот со проекцијата на филмот „Segunda Vez“- Втор пат, во режија на Дора Гарсија, во кафе – кино Котур, што е дел од програмата „Критичко читање низ филмови“ во селекција на Петар Милат, филозоф и публицист од Хрватска.
Режисерката Дора Гарсија, мешајќи ги политиката, психоанализата и перформансот својот многукратно наградуван филм Segunda Vez, 2018 година, го гради околу фигурата на Оскар Масота – круцијален теоретичар 23 за аргентинската авангарда од 1950-тите до 1970-тите. Идеите на Масота за лакановската психоанализа, политиката и уметноста (хепенинзите и дематеријализираната уметност) го смениле уметничкиот пејсаж на Буенос Аирес во 1960-тите години, кој претходел на диктатурата, со што се означува и крајот на авангардата. Насловот, „Segunda Vez“, потекнува од истоимената приказна напишана од современик на Масота, Хулио Кортасар, кој го раскажува амбиентот на психоза и несигурност предизвикан од траумата на исчезнувањата во Аргентина.
Синоќа, во Чифте амам, Артан Садику, истражувач, теоретичар и активист од Скопје, своето предавање насловено „Илјада маргини“ го одржа како еден вид дискурзивен експеримент, поставувајќи отворени тези и поканувајќи ја публиката активно да учествува во нивното градење со свои прашања и критики, што е и идејата на фестивалот – да истражува различни формати на критичко мислење и преку нив да создава нови заедници на критичка култура. Во дискусијата учествуваа и гостите на фестивалот, Нејтан Браун и Арон Шустер.
„Ниедна теорија не може да се развие без соочување со препрека, ѕид, затоа е нужна практика за рушење на ѕидот (Делез). Нашите испробани, износени и исцрпени модели на практики, како што се отпорот и борбата против капитализмот, не успеаја да го скршат ѕидот кој радикалната теорија го постави пред многу години. Како резултат на ова, ние сме сведоци на забрзано зголемување на теоријата, наместо испробување нови практики со цел да се сруши ѕидот“, рече Садику во својот вовед.
Претходно се одржа и семинарот „Естетичко образование наназад: политички ќорсокаци на сегашноста со Нејтан Браун, професор од Монтреал, Канада. Семинарот во фокусот го имаше разгледувањето на тоа како општествената структура и историските ќорсокаци можат да се анализираат и да се адресираат како ефекти од политичко-економските контрадикции. Навраќајќи се на Шилеровата теорија за „естетичко образование“ од перспектива на сегашноста, Браун ја водеше дискусијата за патологиите на комуникацијата и отпорот кон замките и искушенијата на политичкиот опортунизам.
Утре, 22 јуни, на програмата се две предавања, на Лина Гонан од Хрватска, која ќе зборува на тема „Геј нормалност и антиинклузивистичката квир мисла“ и на Станимир Панајотов од Бугарија, со предавање насловено, „Резервна армија на смртта“. Нивните предавања ќе се одржат во Чифте амам со почеток од 19, 30 часот.
КРИК – фестивал за критичка култура се реализира во соработка со: Мутлимедијалниот Институт (MI2), од Загреб, kuda.org од Нови Сад, Berliner Gazette од Берлин, платформата Светот околу нас – критиката во регионот, организирана од партнерските организации kulturpunkt.hr и Kurziv (Хрватска), SEECult (Србија), SCCA – Љубљана (Словенија).
Автор:
Слични статии
-
-
Отворена изложбата „Flux Identity“ во Чифте амам
13 февруари, 2021 -
-
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
