Култура

Почина Благоја Стефановски – Баге, поранешен министер за култура

Почина Благој Стефановски-Баге, поранешен министер за култура, актер и долгогодишен театарски работник, поради компликации од Ковид-19. Стефановски бил болен извесно време, а потоа и бил позитивен на Ковид-19.
Стефановски беше човек кој живееше за театарот и беше одличен менаџер. Беше долгогодишен директор на Битолски театар, а по завршувањето на министерскиот мандат го оформи Мал драмски театар – Битола и работеше на независната сцена. Како директор на Битолскиот народен театар од 1975 до 1980 година тој ги постави основите за забрзан уметнички развој на оваа театарска куќа, која потоа со своите изведби се прослави не само на македонската туку и на југословенската уметничка сцена.
Бил пратеник и спортски работник вклучен во Ракометниот клуб „Пелистер“. Дипломирал на Факултетот за драмски уметности во 1975 година. Се вработил во Народниот театар во Битола. Бил претседател на фестивалот „Браќа Манаки“, во управувачките тела на фестивалот „Охридско лето“ и претседател на фестивалот „Војдан Чернодрински“. Од 2002 година до 2006 ја извршуваше функцијата министер за култура. 

Автор:

Слични статии