Добитнички на наградата за ликовна критика „Ладислав Баришиќ“ се Тануровска – Ќулавковски и Васева
— 19 јули, 2021Комисијата во состав Мира Гаќина, Владимир Јанчевски и Маја Чанкуловска Михајловска, наградата „Ладислав Баришиќ“ за 2021 година ја додели на проектот „Политички перформанс како проширено поле во Македонија во 90-тите години“ на авторите, Биљана Тануровска – Ќулавковски и Ивана Васева. Наградата ја доделува Здружението на ликовни критичари „АИКА Македонија“. Ова дело беше наградено заради својата релевантност на темата во денешниот културен но и општествено – политички контекст, како што стои во образложението на комисијата.
Перформансот, според авторките, како еден од оние видови на уметност од лиминална и гранична природа, и проширено значење кое се шири и вон уметничкото и естетското, создава различни мапи и остава траги кои се влијаени од социо-политичките, економските и културните околности во одреден период, време, и простор, и со тоа создава бројни мрежи на значења.
Специфичниот контекст на деведестетите години на минатиот век во Македонија е период оптоварен со настани што можат да послужат како „материјал“ за уметниците. Меѓу горливите политички, економски, социјални и културни прашања од 90-тите години на минатиот век – војната во регионот, приватизација, мултикултурализам, етнички немири, идентитетски прашања, преминот од социјализам во капитализам, итн. можат да се забележат низа културни перформанси низ чија призма може и да се разгледува како, зошто и каде се развивало перформативното политичко и политичкото перфомативно.
Во оваа насока, намерата на авторките да ги истражат политичките перформанси во земјава, во обид да пронајдат форми на критичка уметност како перформанси или перформанси како проширен поим што ја задржуваат политичноста како форма на критичност и антагонизам кон доминантната социјална и културно- политичка состојба на работите.
Биљана Тануровска -Ќулавковски е продуцентка, кураторка и истражувачка и, која спојува знење, искуство и значења произведени во полето на културните политики, управувањето со културата, теоријата на уметност и изведба, изведбените уметности и критичка теорија. Во 2003 година таа го ко-основа ЗГ. ЛОКОМОТИВА – Центарот за нови иницијативи за уметност и култура, каде што работи како програмски директор до денес. Тануровска е ко-основач на мрежи, платформи и простори, меѓу кои НОМАД Танц академија (НДА) и Кино Култура – проектен простор за современи изведувачки уметности и култура во Скопје. Со Локомотива ги ко-основа Јадро-здружение на независна културна сцена и Кооператива- регионална платформа за култура. Од 2011 -2020 година е надворешен предавач на Факултетот за музичка уметност во Скопје. Дипломирала историја на уметност и археологија, магистер е на науки по интеркултурализам, културен менаџмент и културни политики на Универзитетот за уметности во Белград, а докторира на Факултетот за драмски уметности во Белград. Во 2019 год. за својот докторски труд ја добива престижната „Награда за истражување во полето на културните политики и менаџментот во култура во 2019 година“ на ENCATC- Европската мрежа на универзитети за културни политики и за менаџмент во културата.
Ивана Васева (1984, Скопје) е кураторка и истражувачка на кросдисциплинарни, соработнички и општествено ангажирани дела и програми во современата визуелна уметност. Досега курирала и претставила многу изложби, дискурзивни проекти и различни програми во земјава и во странство и издала и уредила повеќе публикации. За проектот „Оваа зграда зборува (на)вистина“ ја доби престижната награда „Златна Трига“ на Прашкото квадриенале за перформанс, дизајн и простор во 2019 година (кураторка на проектот). За истражувачкиот проект „Kолективното делување како политичка, а не организациска одлука“ (2015 година, коавторка) е добитничка на наградата „Ладислав Баришиќ“ на АИКА – Македонија, а е добитничка и на посебната награда за архитектура од Асоцијацијата на архитекти на Македонија (2014 година, коучесничка). Таа е програмска директорка на организацијата Факултет за работи што не се учат (ФР~У) и е кокураторка на АКТО Фестивалот за современи уметности кој постои од 2006 година. Васева дипломирала на Факултетот за историја на уметност при УКИМ во Скопје, а специјализирала кураторство на Кураторската програма на de Appel arts centre во Амстердам, Холандија.
Доделувањето на наградата е овозможено со финансиска поддршка од Министерство за култура и Град Скопје.
Tagged with:
АИКА Македонија Биљана Тануровска – Ќулавковски Здружението на ликовни критичари Ивана Васева Ладислав Баришиќ
Автор:
Слични статии
Последни статии
-
„Мијачка“ е најновото кореографско решение на Марјан Андоновски
— 23 мај, 2022„Мијачка“ е првото кореографско решение на етнокореологот Марјан Андоновски, што премиерно беше изведена на последниот годишен концерт на НУ Танец. Марјан Андоновски оваа година го прослави својот 15 годишен јубилеј како играрец во „Танец“. Неговите сценски достигнувања се препознатливи по изведбата на бројни солистички и истакнати точки на повеќе од 350 концерти и настапи во…
-
Нов метод на разложување на пластиката ќе направи револуција во рециклирањето
— 20 мај, 2022Научниците откриле нов, брз начин на разложување на пластиката со помош на вештачка интелигенција. Станува збор за истражувачки тим од Универзитетот на Тексас во Остин кој успеал да модифицира ензим со кој се разложуваат состојките на полиетилен терефталат, кој често се користи во пластиката. Модифицираниот ензим ја разложил пластиката за една недела. Со досегашните методи,…
-
Шестиот број на „Книжевни елементи„ во книжарниците во Скопје и Битола
— 13 мај, 2022Шестиот, пролетен број на книжевното списание „Книжевни елементи“ во издание на Здружението „Перун Артис“ од Битола, излезе од печат на рекордни 240 страници. Уредник на ова списание е Сашо Огненовски. Списанието „Книжевни елементи“ за коешто интересот се зголемува со секој нов број, може да се најде во книжарниците во Скопје и Битола. Во шестиот број…
-
Излезе книгата „Јазикот е чудна ѕверка“ од Марина Костова
— 5 мај, 2022Во издание на „Или-Или“ излезе книгата „Јазикот е чудна ѕверка“ на Марина Костова, хибридна збирка со куси лични истории, рецензии и есеи. Книгата е достапна во книжарницата на „Или-Или“, а во рамките на Саемот на книгата од 3 до 9 мај во салата „Борис Трајковски“, авторката ќе ја потпишува на 6 мај од 17-19 часот. „Јазикот е чудна…
-
Пристапна изложба на новите членови на ДЛУБ(галерија)
— 3 мај, 2022На пристапната изложба на новите членови на ДЛУБ, којашто беше отворена во ликовниот салон на ДЛУБ на 28 април, се претставија новите членови со нивните дела, достојно претставувајќи се, секој со свој, својствен уметнички израз. А тој е најдобар показател за нивните стремежи, мотиви и инспирации, израз преку кој имаат што да кажат и што…
-
ЦИКЛИЧНОСТА НА НИКОГАШ НЕПРЕЖАЛЕНИОТ СОЦРЕАЛИЗАМ
— 2 мај, 2022(Кон претставата „Цемент“ од Хајнер Милер во режија на Себастијан Хорват и во продукција на Загребачкиот Театар на Младите од Загреб. Гл. Улоги: Ракан Рушаидат, Наташа Копеч, Сретен Мокровиќ, Уго Корани, Пјер Меничанин, Дадо Ќосиќ, Барбара Прпиќ, Петра Свртан, Милица Манојловиќ, Тина Орландини, Миливој Беадер, Ведран Живолиќ, Матео Видек, Тома Медвешек.) „Цемент“ е драмски текст…
-
Признава ли Македонецот сопствена вина?
— 29 април, 2022Во долгите „дебати“ со мои блиски пријатели и другари на кои општествен интерес и една од занимливите теми за муабет им е политиката и сѐ поврзано со неа честопати филозофираме на темата зошто дојдовме до ова дереџе како нација и држава и зошто не може никако, за жал, и никогаш да се оправиме?! Најчесто констатираме…
-
Густата магла на дехуманизирањето
— 26 април, 2022(Кон претставата „Game” (Игра) авторски проект на Жига Дивјак во продукција на Словенскиот младински театар и театарското списание „Маска“ како проект на „Нова пошта“. Гл. Улоги: Примож Безјак, Маруша Облак, Сара Дирнбек, Вито Вајс и Матеј Пуц) „Не тепаа по главата“, „Му реков дека имам шеснаесет години, но полицаецот рече: ‘не, роден си во 2001…
