Почетна / Насловна / Настани / Моника Мотеска и Роберт Јанкулоски – македонски претставници на 59. Венециско биенале
Моника Мотеска и Роберт Јанкулоски – македонски претставници на 59. Венециско биенале
— 7 април, 2022
Проектот „Landscape experience“ на уметниците Моника Мотеска и Роберт Јанкулоски, ќе ја претставува Националната галерија на најновото издание на Биеналето во Венеција насловено „The milk of dreams“.
Претседателката на Комисијата за избор на македонски претставник, Дијана Томиќ-Радеска, истакна дека овој проект нуди реални и имагинативни пејзажи, локални и национални, светско препознаени простори, коишто дадоа еден сериозен пристап кон идејата.
– Проектот „Landscape experience“ на уметниците Моника Мотеска и Роберт Јанкулоски е осмо учество на Националната галерија како официјален претставник на нашата земја на биеналето во Венеција, што претставува гордост, но секако и одговорност и константен предизвик за презентациите на македонските автори, кои со своите автоктони визуелни ракописи се во склоп со светските актуелни тематики, истакна на денешната прес-конференција директорката на Националната галерија и комесар на проектот, Дита Старова-Ќерими.
Таа ги наведе самостојните изложби на Јанкулоски и Мотеска, „Нови пејзажи – архив на реалноста“, односно „Везење во камен“, како првична идеја која резултирала во проектот којшто ќе ја претставува нашата земја во Венециското биенале.
Министерката за култура, Бисера Костадиновска-Стојчевска, истакна дека убавината и афирмацијата на домашната уметност на ваквите мега настани привлекуваат голема одговорност и бараат висока професионалност.
– „Landscape experience“ е нашата слика во следните седум месеци. Македонскиот павилјон ќе биде отворен и оценуван од најприбирливата критичка јавност и од пошироката многубројна публика. Убедена сум дека проектот идејно, продукциски и со прашањата кои ги претставува ќе предизвика размислување и ќе привлече интерес. Нашето преставување во Венеција не е инфериорно. Тоа за сите нас е од огромно значење во одржувањето на врските со државите од светот преку полето на уметноста, нагласи министерката.
Италијанскиот амбасадор во земјава, Андреа Силвестри, рече дека Биеналето е еден од оние настани што се навлезени во колективната култура што предизвикува восхит, често го менува начинот на кој ја разбираме уметноста и начинот на кој таа се создава. Според него, Биеналето на Венеција е всушност израз, понекогаш и жртва на трендови и промени.
Претседателката на Комисијата за избор на македонски претставник, Дијана Томиќ-Радеска, истакна дека овој проект преку едни нови пејзажи, реални и имагинативни, локални и национални, но сепак светско препознаени простори дадоа еден сериозен пристап кон идејата.
Најновото 59. издание на Биеналето во Венеција ќе започне на 24 април и ќе трае до 7 октомври 2022 година, а инаугурацијата е закажана на 22 април во 18.00 часот.
Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…