Култура

Пристапна изложба на новите членови на ДЛУБ(галерија)

 На пристапната изложба на новите членови на ДЛУБ, којашто беше отворена во ликовниот салон на ДЛУБ на 28 април, се претставија новите членови со нивните дела, достојно претставувајќи се, секој со свој, својствен уметнички израз. А тој е најдобар показател за нивните стремежи, мотиви и инспирации, израз преку кој имаат што да кажат и што да порачат.

Оваа пристапна изложба на новите имиња на ликовната уметноста во Битола ќе биде отворена до 7 мај во временски период од 12 до 15 часот.

На изложбата се претставени следните уметници: Бојана Артиновска Трпческа, Вано Кеков, Матеј Богдановски, Илија Маџаров, Александар Поповски, Ване Костуранов, Владимир Илиевски, Сашо Блажески, Петар Кирановски, Игор Стаменковиќ, Стефан Анчевски, Васко Ѓоргиев, Душан Шешиќ, Динко Ненов, Вангел Крстиновски, Тони Чатле. Делата што ги насликале овие млади уметници се 22 на број и се во различни сликарски техники и материјали. Во ова прилика треба да се истакне дека ДЛУБ со постојано примање на нови уметници постојано ја освежува ликовната сцена во Македонија освежувајќи ја и ликовната активност во градот каде што културните манифестации се секогаш оригинални и интересни.