Синоќа, во фоајето на Националната опера и балет се случи гала моден настан насловен„Осветлено“ (Into the light). Специјална гостинка на вечерта беше светски познатата холандска модна дизајнерка Анук Випрехт (Anouk Wipprecht). Настанот беше во организација на Амбасадата на Кралството на Холандија во соработка со студентите од Институтот за дизајн и инженеринг на облека при Технолошко металуршкиот факултет во Скопје, под менторство на професорката и модна дизајнерка Лидија Георгиева.
Модниот настан беше заокружување на поголем проект, кој се одвиваше во неколку фази. На почетокот, Анук Випрехт одржа неколку мастеркласови со студентите од Институтот за дизајн и инженеринг на облека. На овие презентации студентите добија конкретни насоки како да ја користат современата технологија во модниот дизајн. Потоа, холандската дизајнерка заедно со професорката Георгиева одржаа и неколку работилници на кои студентите создадоа оригинални модни дизајни, кои беа претставени на модниот настан. Гостите, помеѓу кои беа присутни истакнати дипломати, политичари, луѓе од јавниот живот во Скопје и претставници на медиумите, имаа ретка можност да погледнат и дел од оригиналните високотехнолошки модни дизајни на Анук.
Настанот го отвори Амбасадорот на Кралството Холандија Дирк Јан Коп: „Холандија е еден од светските лидери кога станува збор за иновации и висока технологија. Дизајните на Анук Випрехт презентирани во првиот дел на вечерта ни покажаа што може да направи холандската високотехнолошка мода. Вториот дел и делата на студентите ни покажаа што можеме да направиме заедно. Северна Македонија е наш партнер и се надеваме дека наскоро ќе имаме уште поблиска соработка на сите полиња, вклучувајќи ја и модната индустрија, во рамките на отворениот европски пазар“, истакна Јан Коп.
„Голема благодарност до Амбасадата на Кралството на Холандија за укажаната доверба и иницијативата за соработка. Искуството низ кое поминаа студентите е значајно за нивниот понатамошен развој. Имавме ретка можност да уживаме во креативниот процес и во соработката со Анук“, вели професорката Лидија Георгиева, која неодамна, заедно со „Завар дизајн“ земаа учество на Модната недела во Белград, а на синоќешниот настан беа претставени и овие дизајни.
Анук Випрехт е иновативна дизајнерка, приврзаник на модната технологија (FashionTech) и создава раритетна комбинација на модни парчиња, кои се комбинација на инженерство, наука и дизајн. На автентичен начин ја спојува модата и технологијата, а нејзините дизајни се стремат кон вештачка интелигенција, како своевидни системи „домаќини“, и делуваат како да дишат заедно со човечкото тело и реагираат на непосредната околина. Сензорите вградени во дизајнот го следат просторот околу оној што го носи, а сензорите за телото го детектираат нивото на стрес како удобност или вознемиреност. Нејзиниот најпознат „Spider Dress“ базиран на модулот Intel-Edison е совршен пример за оваа естетика, каде што сензорите и подвижните раце на фустанот помагаат да се создаде подефинирана граница на личниот простор.
„Овој роботски фустан напаѓа доколку некој премногу ви се приближи“, вели Випрехт. Освен рачни уреди, дизајнерката истражува како можеме на нови начини, преку нашата облека да комуницираме со светот околу нас. Таа активно соработува со Интел, АутоДеск, Гугл, Мајкрософт, Самсунг, Адидас, Дизни, Сваровски, Ауди, со најпознатиот циркус „Сирк де Солеј“ и со компаниите за 3Д печатење, додека истражува како би изгледала нашата иднина доколку продолжиме да ја вградуваме технологијата во она што го носиме. Таа работи и живее на релација помеѓу Сан Франциско, Лос Анџелес, Мајами и Амстердам.
Дизајните изработени од студентите ќе бидат изложени во просториите на Млади Хаб од понеделник 12 декември.
Фото: Томислав Георгиев и Горан Бошковски
(Кон претставата „Божествена комедија“ по Данте Алигиери и други автори во продукција на Белградскиот драмски театар во режија на Франк Касторф. Главни улоги: Марко Гверо, Александар Радојичиќ, Марија Васиќ, Александар Јовановиќ, Милан Зариќ) Франк Касторф е можеби најпопуларната контраверзна личност во театарскиот живот во Европа, театарски уметник кој докторирал на Јонеско и кој својата слободоумност…
(За книгата „Ведра“ на Јулијана Величковска, во издание на ПНВ Публикации, Скопје, 2022, 32) Седнувам да пишувам за „Ведра“ од Јулијана Величковска. И тоа со возбуда заради ведрината што ја носат новите македонски книги/приказни за деца. Сепак, вистинската инспирација за овој текст, и покрај тоа што претходно дури трипати ја прочитав (како што е редот…
„Скутина, фута, бовча, диљка“ е насловена мултимедијалната изложба на етнокореологот Бојан Петковски која беше отворена денеска во фоајето на центарот за култура „Трајко Прокопиев“. На изложбата можат да се видат фотографии, паноа кои ја покажуваат важноста на скутината. Централно поставена, генерално во големи димензии, таа чини голем дел од целокупната слика на носијата. Кај женските носители, носена…
Фаворитот „Everything Everywhere All In Icon“ има 11 номинации, а „The Banshees of Inisherin“ има 9. Филмовите се рангирани според тоа колку е веројатно да го освојат Оскарот на 12 март во театарот „Долби“ во Лос Анџелес. 10. “Triangle of Sadness” Номинации: 3 Најдобар филм, најдобар режисер (Рубен Остлунд), најдобро оригинално сценарио. За што се…
(Кон претставата „Орачот и смртта“ по поемата на Јоханес фон Тепл, во продукција на Народниот театар „Василе Александри“ од Јаши, Романија. Режија: Силвиу Пуркарете. Гл. улоги: Калин Кирил, Дијана Кирил, Петронела Григореску, Ирина Радуцу Кодреану, Малина Лазар) Поемата на Бохемискиот поет од четиринаесеттиот век Јоханес фон Тепл „Орачот од Бохемија“ популарно позната како „Орачот и…
(Кон претставата „Нора“ од Хенрик Ибзен во продукција на Народниот театар „Иван Вазов“ од Софија, Бугарија. Режија: Тимофеј Кулјабин. Главни улоги: Радина Крџилова, Иван Јуруков, Дарин Ангелов, Ана Пападопулу) „Нора“ , како најмаркантната пиеса на Хенрик Ибсен зборува за релациите меѓу љубовта (посветеноста) и гордоста. Овој голем нордиски драматичар го проблематизира статусот на жената во…
Младите во Македонија, во текот на 2022 година, се соочија со низа проблеми кои директно се одразија на нивниот живот. Тие во вокабуларот на политичарите се врвен приоритет, но во пракса властите не прават доволно за нивната подобра иднина. Следи преглед на она што ја одбележа 2022 година во однос на младите во Македонија, според…
Македонскиот поет и книжевен преведувач Зоран Анчевски е добитник на наградата „Григор Прличев“ за најдобра поема во ракопис за 2022 година, за делото „Коњски житија“, на конкурсот на центарот за култура „Григор Прличев“ во Охрид. Поемата „Коњски житија“, која пристигнала под шифра „Џамбаз“, на состанокот на жири-комисијата во декември минатата година, едногласно била одрбана меѓу…
