Централната пошта во Скопје ставена на списокот на најзагрозени споменици во Европа
— 9 април, 2021Централната пошта во Скопје се најде на листата на најзагрозени споменици во Европа за 2021 година. Листата вчера ја објавија Eвропа Ностра – Европскиот глас на граѓанското општество посветено на културното и природно наследство и партнерската организација, Институтот на Европска инвестициoна банка.
Изборот е направен врз основа на значењето на наследството и културната вредност на секое од местата, како и врз основа на сериозната опасност со која се соочуваат. Нивото на ангажираност на локалните заедници и посветеноста на јавните и приватните чинители за зачувување на овие места се сметаат за клучни додадени вредности. Друг критериум за избор е потенцијалот на овие локации да дејствуваат како катализатор за одржлив социо-економски развој, како и алатка за промовирање на мирот и дијалогот во рамките на нивните локалитети и пошироките региони.
Изградена во 1974 година, Централната пошта го претставува модернистичкиот бруталистички архитектонски стил на повоената ера. Таа е дело на ахтитектот Јанко Константинов.
„Моќната конструкција на зградата, изработена од армиран бетон во форма на цвет на лотос, беше наменета да ја симболизира реконструкцијата на Скопје по силниот земјотрес во 1963 година. Зградата преживеа голем пожар во 2013 година, но оригиналното стакло на куполата, муралите, како и мебелот и осветлувањето, или биле целосно изгубени или претрпеле сериозни штети. Зградата денес е уште позагрозена поради неискористеност и влошување на состојбата“, стои во описот за Централната пошта.
Таа беше номинирана за оваа листа од Институт за истражување во животна средина, енергетика и градежништво – ИЕГЕ.
На неа се најдоа и Железничката пумпа на пареа во Ахенси во Австрија, Комплексот на гробишта во Мирогој, Хрватска, Петте Јужно-Егејски Острови во Грција, Градината Џусти во Верона, Италија, Манастирот во Дечани, Косово и Капелата Сан Хуан де Сокуева и Ермитаж, Кантабриа, Шпанија.
„Целта на нашата листа е да го вклучиме алармот за сериозните закани со кои се соочуваат овие места. Од извонреден средновековен манастир до извонредна ренесансна градина, од индустриски и модерни градби до култни културни предели: овие места се важни сведоштва за нашето заедничко минато, меморијата и идентитетот. Во време кога нашиот континент доживува невидена криза, Европа Ностра сака да ја изрази својата солидарност и да им даде поддршка на локалните заедници низ цела Европа, кои се решени да ги спасат овие загрозени богатства. Преку нашата широка паневропска мрежа на членови и партнери, ќе мобилизираме разновидна експертиза и ресурси за да помогнеме во спасувањето на овие места, кои треба да бидат препознаени како моќни вектори на одржлив развој, како и витални алатки за мир и дијалог меѓу различните заедници. Заедно, можеме да го направиме тоа“, рече Гај Клаус, извршен потпретседател на Европа Ностра за време на онлајн настанот.
Лансирана во 2013 година, оваа програма е дел од граѓанската кампања за спасување на загрозеното наследство на Европа. Подигнува свест, подготвува независни проценки и предлага препораки за акција. Исто така, обезбедува грант од 10.000 евра по локација.
Извор: Радио МОФ
Автор:
Слични статии
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
