Култура
bienale na mladi umetnici

Биенале на млади уметници

Без водечка тема, со апстракт приспособен на неговиот меѓународен карактер, на годинешното 11 издание на Биенале на млади уметници, отворено вчера во Мала станица, учествуваат 14 уметници од Македонија и седум уметници од странство. Без наметнување кураторски концепт, целта на Биеналето е да се претстави објективната слика концентрирана врз ликовната сцена на младите автори во изминатите две години. Биеналето традиционално го организира Музејот на современа уметност. Селекцијата на домашните автори е направена во соработка со професорите од Факултетот за ликовна уметност, додека младите автори од регионот се изберени во соработка со реномирани индивидуалци и сродни институции од соседните држави. Годинава на 11 Биенале на млади уметници учествуваат: Ана Ивановска, Анастасија Величковска, Амир Карахасан, Ана Јовановска, Горан Менков, Дарко Алексовски, Зорица Зафировска, Илија Прокопиев, Инес Ефремова, Иван Ивановски, Кристина Пулејкова, Кристина Божурска, Маја Кировска., Неда Фирфова. Гостите од странство се: Данило Прнјат (Србија), Лука Хрговиќ (Хрватска), Јумана Мана (Германија), Мила Паниќ (Босна и Херцеговина), Вактанг Тато Акалкатсишвили (Грузија), Снежана Бартенева (Белорусија),  Зое Гиабулдаки (Грција).

Автор:

Слични статии